Spahiu: Edhe biznesi gjerman kërkon largimin e Ramës!

Ish-deputeti i LSI-së, Përparim Spahiu ka sjellë në vëmendje një anketim të kryer nga Dhomat Gjermane të Tregtisë, në lidhje me situatën e biznesit në vendin tonë.

Të dhënat e anketës tregojnë se 51 për qind e tyre janë të pakënaqur me situatën ekonomike në vend, duke theksuar se në këto vite ka një përkeqësim për mjedisin e biznesit.

Nxitur nga këto shifra, Spahiu thekson se jo vetëm shqiptarët, por dhe biznesi gjerman thotë: Rama Ik!

Postimi i Spahiut

Propaganda e KM-s bie në çdo fjalë që ai thotë.

Ja si shprehen të anketuarit nga Dhomat Gjermane të Tregtisë për Europën Qendrore dhe Lindore për Shqipërinë, ku 51% e të anketuarve e shohin atë të përkeqësuar.

Pyetjes se sa të kënaqur janë bizneset me faktorët që kanë ndikuar, u janë përgjigjur:

Pozitivisht: kostoja e punës, produktiviteti dhe motivimi i punonjësve, kualifikimi i punonjësve, arsimimi akademik, disponueshmëria e fuqisë punëtore të kualifikuar.

Negativisht: siguria ligjore, administrata publike, parashikueshmëria e politikave ekonomike, transparenca e tenderëve publike, lufta kundër kriminalitetit dhe korrupsionit.

Fare thjeshtë kuptohet që nuk janë problem shqiptarët, si të pakualifikuar, paarsimuar apo të pamotivuar.

Problem dhe përkeqësim shihet në aspekte që i takojnë Qeverisë ku problemi madhor mbetet KORRUPSIONI, pa përjashtuar luftën ndaj krimit apo transparencën në tendera.

Problem mbetet dhe e ardhmja, pasi 43% mendojnë që situata do të përkeqësohet dhe 45% mendojnë që nuk do të ndryshojë.

Asnjë shpresë përmirësimi.

Pra, jo vetëm shqiptarët, por dhe biznesi gjerman thotë: Rama Ik!





Comments are closed.