Mourinho: Zidane zgjedhja e duhur për Realin

Emri i tij u përfol shumë si kandidatura më e mundshme për të marrë drejtimin e Realit të Madridit edhe pse në fund presidenti i Los Blancos Florentino Perez vendosi të rikthente personin që i fali suksese madhore të një pas njëshme, Zinedine Zidane. Gjithsesi në lidhje me vendimin e Perez, Mourinho e ka komentuar rikthimin e francezit si zgjedhja e duhur, teksa nuk shfaq keqardhje që nuk ishte ai i përzgjedhuri.

“Mendoj se Zidane është zgjedhja e duhur. Zidane ka arritur të bëjë gjëra të mëdha me Realin gjatë kohës kur i drejtonte. Personalisht mendoj se Zidane është njeriu i duhur për të marrë drejtimin e skuadrës. Kjo është një mundësi e mire edhe për vetë atë për të treguar sesa i aftë është, sidomos në këto momente të vështira për Realin. Uroj që çdo gjë të shkojë mirë për të dhe klubin”, tha Mourinho.

Në dhjetori portugezi u shkarkua nga detyra, pasi një serie rezultatesh negative në krye të stolit të Manchester United. Emri i tij u shfaq sërish pas pak muajsh dhe lidhje më një rikthim të mundshëm në madrid, skuadër të cilën ai e ka drejtuar nga 2010 deri në 2013. Por, a është i zhgënjyer Mourinho që Perez nuk përzgjodhi atë?

“I zhgënjyer që nuk më zgjodhën mua? Jo absolutisht jo. Unë nuk kam shprehur kurrë që më pëlqen rikthimi në Madrid ose që ata më duan mua. Mund t’ju them vetëm që emri i Zidane është zgjedhje e mirë”, deklaroi portugezi.









Comments are closed.