Letra e Mitrush Kutelit për humbjen e Fan Nolit

“Përgjumem me dhembje, përpara qivurit të poetit dhe luftëtarit Theofan Noli. Ngushëllime vllazërore shqiptarëve të Amerikës”. Kështu shkruante Mitrush Kuteli në telegramin e ngushëllimit për ndarjen nga jeta të Fan Nolit, drejtuar shqiptarëve të Amerikës dhe botuar në gazetën Drita.

54 vite më parë u nda nga jeta një nga personalitetet e shquara të këtij vendi Fan Noli. Ishte hidhërim i madh. Mesha iu mbajt në kishën e re të Vangjelizmoit që sapo ish ndërtuar në rrugën e Kavajës, për të zëvendësuar kishën e vjetër po të Vangjelizmoit, në qendër, e cila u prish se do ndërtohej 15-katëshi.

Që t’i hapej rrugë kësaj meshe u shpejtua përurimi i Kishës . Pas një viti, në mars 1966, me porosi të Mitrush Kutelit, e shoqja, Efterpi, i çoi një meshë në shtëpi Papa Markos që të mbante një përshpirtje për Nolin. Ishte kohë e zymtë. Më 6 mars një letër e KQ të Partisë së Punës kërkonte revolucionarizimin e mëtejshëm të jetës. Letra e hapur më 1967 ndaloi fenë me ligj.

Gazeta Shqip









Comments are closed.