Skandali i Unazës, “burg” për administratorin e ‘DH Albania’

“Arrest me burg”, është masa e sigurisë e vendosur ditën e sotme nga Gjykata e Tiranës, për Avdjol Dobin”, administratorin e kompanisë “DH Albania”.

Dobi është shpallur në kërkim, ndonëse në sistemin TIMS, nuk rezulton të ketë dalë nga Shqipëria.

Dobi, akuzohet se ka falsifikuar dhe ka përdorur më pas një vërtetim të lëshuar nga Departamenti Amerikan i Shtetit të Delaware, ku tregohej se kompania “Dunwell Haberman”, e cila pretendohet se është mëma e firmës shqiptare “DH-Albania”, nuk kishte detyrime financiare në SHBA.



Kompania ‘DH Albania’ fitoi lotin e parë të “Unazës së Madhe” me vlerë 18 milionë euro, nga Pallati me Shigjeta deri te sheshi “Shqiponja”.

Pas publikimit të skandalit të dokumenteve false, tenderi për ndërtimin e lotit të parë u anulua, duke bërë që të nisin hetimet. Ndërkohë që protesta e banorëve që kundërshtojnë shembjen e banesave të tyre, vazhdon.

Gazeta Shqip

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/




LEXO MË TEJ:


Më të lexuarat

Comments are closed.