Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Festë dhe luftë në Francë. Dhunë, plaçkitje dhe 2 viktima (VIDEO)

Një "masakër? e vërtetë mund të cilësohet ajo që ka ndodhur në Champs Elysées, rruga e famshme pariziane midis Place de la Concorde dhe Arc de Triomphe, ku fetsa për triumfin e "Gjelave" në finalen e Kupës së Botës pas 20 viteve është shoqëruar me incidente, plaçkitje dhe dhunë e përplasje me policinë.

Pas triumfit të Francës, një valë e madhe njerëzish u derdh mbi Champs-Elysées, duke kënduar këngë të të gjitha llojeve me flakadanë në duar dhe flamuj blu.

[gallery td_select_gallery_slide="slide" ids="602617,602608,602618,602619,602602,602609,602621,602599,602600,602601,602603,602604,602605,602624,602606,602607,602610,602611,602612,602613,602614,602615,602616,602620,602622,602623"]

Por fetsa degjeneroi në akte dhune të paprecedenta, teksa "shkatërrimi në masë" nisi me thyerjen e dritareve të dyqaneve, veçanërisht Drugstore Publicis, pak metra larg Arc de Triomphe, ku emrat e heronjve të kompanisë së Moskës ishin vendosur pak para finales.

Policia u përgjigj me gaz lotsjellës dhe turma u shpërnda në pjesën e sipërme të rrugës, ndërsa në pjesën e poshtme, rreth Place de la Concorde, situata mbeti mjaft e qetë.

Sipas shtypit francez, disa të rinj, shumë prej tyre të maskuar, kanë shpërthyer një supermarket duke vjedhur shishe vere dhe shampanjë. Pas 15-20 minutash ata u evakuan me doza të mëdha gazi lotsjellës të hedhur nga agjentët e forcave të rendit.Pak para mesnatës, prefektura vendosi të dëbojë njerëzit nga ajo që parizianët e quajnë "rruga më e bukur në botë", madje edhe me përdorimin e hidrantëve.

https://youtu.be/eXADjpG6Vkc

Incidente, luftime dhe gaz lotsjellës pati edhe në qendër të Lionit dhe në një masë më të vogël, në Rouen dhe Menton. Rreth 110 mijë agjentë janë mobilizuar nga Ministria Franceze e Brendshme për të garantuar sigurinë e kësaj fundjave të veçantë franceze.

Ndërkohë mediat raportojnë për një të vdekur gjatë festimeve në Annecy, në Francën juglindore. Sipas "Le Dauphiné Libéré", një 50-vjeçar humbi jetën pasi përfundoi në një kanal duke përplasur kokën.

Ndërkohë në afërsi të Saint-Felix, pati një tjetër vdekje kur një burrë rreth të 30-ve vdiq, teksa u përplas me makinën tij me një pemë në momentet kur festonte fitoren.

16 korrik 2018 (gazeta-Shqip.com)

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore