Pogradeci çel sezonin turistik

Qyteti i Pogradecit ka çelur sezonin turistik veror përmes një ceremonie, e cila është shoqëruar me panaire të punimeve artizanale, gatime të ndryshme dhe koncert festiv.

Qyteti mikpritës këtë vit e ka nisur stinën e ngrohtë me miq vendas e të huaj, ndërsa në ceremoninë e përvitshme kanë marrë pjesë edhe kryetari i Bashkisë së Strugës, por edhe personalitete të tjerë.

Pas përshëndetjes nga kreu i bashkisë së Pogradecit Eduard Kapri, i cili ka theksuar se Pogradeci vit pas viti është duke zhvilluar turizmin, edhe kryebashkiaku i Strugës është ndalur tek shkëmbimi i potencialeve turistike mes Shqipërisë dhe Maqedonisë, që sipas tyre e kthen Pogradecin në qendër të vëmendjes sa i takon atraksioneve të veçanta.

Panairi i organizuar në këtë ditë festive ka sjellë disa nga elementët tradicionalë të Pogradecit, ku gratë artizane kanë ekspozuar punimet e realizuara me dorë, por edhe gatime tipike të zonës.

Qyteti liqenor mbetet një ndër mikpritësit kryesorë për turistët, të cilët zgjedhin Pogradecin për të kaluar pushimet verore.

16 qershor 2018 (gazeta-Shqip.com)

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.