Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Vrasja e Devi Kasmit, Apeli lë në burg autorin e dyshuar

E Enjte 22 Shkurt 2018, 13:33 Gazeta Shqip

Gjykata e Apelit ka lënë sot në burg shtetasin grek Efthimiou Efthimious, i cili dyshohet si autor i vrasjes së Devi Kasmit në Tiranë.

Apeli nuk ka pranuar kërkesën e avokatëve për ndryshimin e masës së sigurisë për ish-efektivin e policisë greke.

Gjykata la gjithashtu në burg edhe të dyshuarit e tjerë, Elton Halipaj dhe Elton Hoxhallari, ndërsa Malvin Dinellari nuk është praqitur në senancën e sotme gjyqësore.

Seanca e kaluar në Apel u shty, për shkak të gabimeve me njoftimet. Elton Hoxhallari, Elton Halipaj, Malvin Dinellari dhe Efthymios Efthimiou kërkuan nga gjykata e Apelit lirimin nga burgu, por trupa gjykuese vendosi t?i lërë në burg.

Avokati grek i të akuzuarit, Efthymios Efthimiou ka thënë se klienti i tij është i pafajshëm dhe procesi duhet të bazohet në prova dhe jo spekulime.

Devi Kasmi u ekzekutua me 4 plumba mbrëmjen e 29 janarit në rrugën ?Kongresi i Manastirit? në afërsi të Urgjencës së Pediatrisë.

Atentatorët që thuhet se kanë qenë hipur në një motor dhe të pajisur me skafandra pritën deri sa objektivi i tyre doli nga banesa, ndërsa qëlluan ndaj tij, duke e lënë të vdekur në vend. Fill pas krimit ata u larguan me shpejtësi në drejtim të SHISH, duke fshehur kështu gjurmët, pasi përfituan edhe nga errësira në vendin ku ndodhi vrasja.

Nga hetimet e deritanishme dyshohet se ngjarja ka të bëjë me konflikte për trafik droge, pasi dyshohet se viktima ishte përfshirë në aktivitete kriminale. Po ashtu, Devi Kasmi kishte vetëm pak kohë që ishte kthyer nga Spanja, shtet ku jetonte prej kohësh.

22 shkurt 2018 (gazeta-Shqip.com)

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore