Kur Arben Ristani mbronte në gjyq djalin e Enver Hoxhës (Video)

Pjesë e arkivit të rrallë të video të rrallë të “Associated Press”, është edhe kjo video realizuar në vitin 1995, që shfaq Arben Ristanin, sot deputet i PD-së, kur si avokat i lirë mbronte në gjyq Ilir Hoxhën, djalin e ish-diktatorit Enver Hoxha.

Ishte viti kur Ilir Hoxha u dënua me një vit arrest shtëpie pasi mbrojti emrin e babait të tij, diktatorit Enver Hoxha në një intervistë për një gazetë ku ndër të tjera ishte shprehur: “Sot Enver Hoxha është nxjerrë jashtë ligji, por ligji s’të nxjerr dot nga zemrat”.

Kronika e Associated Press më 6 shtator të 1995:

“Djali i një prej diktatorëve më të pamëshirshëm të Europës ka qenë i dënuar me një vit arrest shtëpie.

Ilir Hoxha, 46 vjeç, u dënua në kryeqytetin e Shqipërisë, Tiranë, pasi mbrojti emrin e babait të tij, diktatorit Enver Hoxha në një intervistë për një gazetë.

Gjykata e dënoi nën akuzën e shkaktimit të çrregullimit civil.

Ndërsa Shqipëria përballet me kritika të shumta për dështimin e saj në ecjen përpara për shkak të regjimit të saj komunist, djali i diktatorit Enver Hoxha është në telashe ligjore.

Enver Hoxha sundoi vendin e izoluar europiano-lindor deri kur vdiq në vitin 1985. Regjimi i tij do të kujtohet për abuzimin e të drejtave ët njeriut, korrupsionin dhe mungesës së të mirave bazike.

Djali i tij 46-vjeçar, Ilir Hoxha, mbrojti babain e tij në një intervistë për një gazetë. Pas lutjes së pasuksesshme të tij për pafajësi, gjykatësit e akuzuan atë për mosbindje civile dhe e dënuan me një vit arrest shtëpie.

Disa kritikë i frikësohen regjimit të ri të Presidentit Sali Berisha, se mos edhe ai vazhdon të injorojë lirinë e shprehjes.

Varri i ish-diktatorit u hoq nga varrezat e dëshmorëve dhe u vu në një vazrrezë të zakonshme në Tiranë.

Shumë shqiptarë të moshuar që rikujtojnë kohët e vjetra akoma shkojnë e vendosin lule në varrin e tij.

“Ky është figura më e lavdishme e popullit shqiptar,” thotë një shqiptar, mbështetës i Hoxhës.

Por jo çdo vizitor tregon respekt për varrin e tij. “Personi që ndodhet në këtë varr është barstard. Shkatërroi jetët tona. Dhe tani njerëzit fajësojnë demokracinë për vështirësitë e tyre. Ata harrojnë pasojat e diktaturës së tij”, – thotë një tjetër, kritik i Hoxhës.

E veja e diktatorit, Nexhmije Hoxha, është në burg për korrupsion.

Që nga rënia e familjes Hoxha, shtëpia e tyre është kthyer në një shtëpi mysafirësh e qeverisë.

Zona përreth vilës tani është e hapur për publikun dhe është kthyer në një strehë për të rinjtë.

Gjatë kohës që Hoxha ishte në pushtet, qytetarët e Tiranës nuk lejoheshin të kalonin në atë zonë që quhet ‘Blloku’ dhe njerëzit që jetonin aty quheshin ‘bllokmenë’”, – përfundon kronika e “Associated Press”.

17 mars 2017 (gazeta-Shqip.com)

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

2 Comments
  1. mali says

    Me vjen shume keq qe nje gazete e tille si ju te mund te shkruaje ne kete menyre per nje avokat. Eshte detyrim i avokateve te mbrojne kedo neper gjyqe ,qofte dhe diktatoret dhe jo femijet e tyre .Qellimi i punes se tyre ne demokraci eshte qe te ndihmojne ne zbatimin sa me rigoroz te ligjit .Me ato qe shkruani dhe menyra si e shkruani artikullin ,nuk jeni shume larg nga mentaliteti i kaluar i sistemit qe lame pas.Demokracia nuk dhurohet .luftohet cdo dite per ta fituar ate .
    Nuk eshte qellimi im te mbroj Ristanin ,skam anje lloj respekti per te se eshte nje nga ata qe panvaresisht se eshte jurit te vetmen qe sdo eshte drejtesia

  2. Ob says

    Kush eshte ky Ristani qe na qeka I pds Dhe na mbron femijet e hoxhes never gjyqe!!!!?.ky Sali berisha miloshevici I paska Te tere pdista por ne detyre te ndihmoje komunistet.juve o njerez legena te pds apo Lsi apo ps e vetmja qe do shtoj Mjere ju me kete dallge qe Po ju vjen Nga ketej USA jeni Te mbytyr pa perjashtim

Comments are closed.