Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Leskaj dhe Suli drejt Kushtetueses, Kuvendi voton pas një jave  

E Enjte 7 Prill 2016, 13:08 Gazeta Shqip

Valentina LeskajMazhoranca ka rënë pranuar për të mbledhur Këshillin e Mandateve dhe Rregullores lidhur me kërkesën e Partisë Demokratike, por dhe atë individuale të dy deputetëve Suli dhe Leskaj për t'i çuar mandatet e tyre në Gjykatën Kushtetuese.

Gjatë seancës së sotme plenare në Kuvend, mazhoranca dhe opozita janë përplasur sërish për çështjen e mandatit të deputetëve Velentina Leskaj dhe Rakip Suli.

Deputetja e PS-së, Leskaj, gjatë fjalës së saj ka kërkuar që Kuvendi të votojë sot kërkesën  për dërgimin e mandatit të saj në Gjykatën Kushtetuese pas akuzave të opozitës se djali i saj ka përfituar fonde të paligjshme në kundërshtim me ligjin.

"Kërkesa ime dhe ajo e PD-së për mandatin tim të shkojë dhe të vlerësohet në Gjykatën Kushtetuese dhe dua, duke zbatuar rregulloren, që kjo kërkesë të votohet në seancën e sotme plenare në Kuvend", - tha ajo.

Në replikë nga vendi, deputeti Sali Berisha tha: "Leskaj bëri detyrën e vet por pasagjerët nuk zbresin nga treni. Shoferi dorëzoi patentën. Kërkon votim"

Më pas ka reaguar deputeti i PD-së, Halimi, i cili ka thënë se "ne kemi kohë që e kemi bërë këtë kërkesë dhe nuk ka nevojë që zonja Leskaj të bëjë viktimën. Viktimë në këtë mes është populli që është grabitur, janë qytetarët".

Ndërsa kreu i Grupit Parlamentar të PD, Edi Paloka, ka thënë se mazhoranca hoqi dorë nga krimi kushtetues.

Në fund, kreu i Kuvendit shtoi se ditën e hënë do të mblidhet Këshilli i Mandateve dhe Rregullores për Leskajn dhe Sulin, ndërsa të enjten e ardhshme ai do të votohet në Parlament me qëllim që çështja të shkojë në Gjykatën Kushtetuese.

Rakip Suli: Maxhoranca ta çojë mandatin tim në Kushtetuese

Më herët, deputeti i Partisë Socialiste Rakip Suli do i kërkojë sot mazhorancës që ta çojë mandatin e tij në Gjykatën Kushtetuese. Ai deklaroi se PD nuk do ta çojë mandatin e tij, pasi qëllimi i tyre është të bllokojnë reformën në drejtësi.

"Mund ta çonin mandatin tim në kushtetuese, por PD nuk ka dëshirë. PD kërkon të bllokojë reformën në drejtësi, i trembet hetimeve për reformën në drejtës. Drejtuesit e PD-së duhet të shkojnë në burg. PD i trembet burgut për abuzimet që ka bërë", tha ai.

7 prill 2016 (gazeta-Shqip.com)

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore