Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

BERZH: Lufta kundër informalitetit, mundësi për uljen e taksave

BERZH- keshilli i InvestimevePeter Sanfey

Rezultati - Duke treguar benefitet e masave kundër informalitetit, ka mundësi për t'i reduktuar edhe më shumë taksat

Operacioni kundër informalitetit merr mbështetjen e BERZH-it. I pranishëm në mbledhjen e fundit të Këshillit të Investimeve, Peter Sanfey, drejtor i sektorit ekonomik në BERZH, tërhoqi vëmendjen se “Informaliteti nuk është problem vetëm në Shqipëri, por në të gjitha ekonomitë e tregut". Sipas drejtorit të BERZH-it, ka nevojë për një platformë të qartë qeveritare me afate kohore dhe objektiva të matshëm me përfshirjen e të gjithë aktorëve. "Duke treguar benefitet e masave kundër informalitetit dhe matur arritjet, ka mundësi për të reduktuar edhe më shumë taksat pa prekur nivelin e të ardhurave në buxhet”, tha Peter Sanfey. Ndërsa zv/president i Shoqatës së Investitorëve të Huaj, Dietlof Mare, nënvizoi domosdoshmërinë e thjeshtëzimit të procedurave dhe edukimit të vazhdueshëm të taksapaguesve, por edhe të tatimorëve. "Reduktimi i informalitetit do të kontribuojë në klimën e biznesit dhe ekonominë në tërësi”, tha Gazmend Kadriu, zëvendëspresident i Shoqatës Shqiptare të Bankave. Ndërsa ministri i Ekonomisë, Arben Ahmetaj, ndër të tjera, tha se qeveria po planifikon të hartojë një strategji dyvjeçare për informalitetin.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore