Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Gjici drejt Vllaznisë, por Kukësi rrezikon shpërbërjen

Presidenti i klubit verilindor, gati të marrë skuadrën shkodrane

Safet GjiciI mërzitur nga sjellja e tifozëve të Kukësit dhe duke ndier “stuhinë” që pritet të bjerë mbi klubin e tij nga ana e UEFA-s për incidentet me Legian, Safet Gjici mund të largohet. Megjithatë, presidenti i klubit kuksian, nuk ka ndër mend të heqë dorë nga pasioni i tij për futbollin. Sipas burimeve akoma jozyrtare, Gjici mund të marrë drejtimin e presidencës së Vllaznisë, klubi historikisht më i vjetër dhe me emër në futbollin shqiptar. Duke parë mungesën e mbështetjen nga ana e bashkisë së qytetit drejt skuadrës shkodrane, zërat që Gjici mund të marrë drejtimin e klubit ditët e fundit sa vijnë e shtohen. Presidenti ka treguar me prova, se falë punës së palodhur e investimit të pakursyer, di si të arrijë suksesin në kohë sa më të shkurtër. Për realizimin e kësaj lëvizjeje të bujshme janë hedhur madje edhe hapat e parë konkretë. Gjici ka nisur bisedimet me drejtuesit e pushtetit lokal në Shkodër, me të cilët është arritur në parim një marrëveshje për të marrë drejtimin e Vllaznisë. Me Safet Gjicin në krye të Vllaznisë do të ndryshojnë domosdoshmërish edhe raportet e forcave në Kategorinë Superiore, pasi me një president të tillë, klubi legjendë i futbollit shqiptar do të rikthehet menjëherë në një pretendent për titullin, por, nga ana tjetër, Kukësi rrezikon shpërbërjen e plotë. Megjithatë në datën 3, UEFA jep vendimin për ndeshjen me Legian dhe Gjici mund të zyrtarizojë “divorcin” me Kukësin.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore