Përnaska: Jo femra me katapultë në politikë

Reagimi 

Ish-deputetja e PD-së, Lalja Përnaska, del kundër katapultimit të emrave në politikë, duke dalë në mënyrë indirekte dhe kundër kandidimit të Grida Dumës. “Përfaqësimi gjinor 50/50% në këshillat vendorë u aprovua!(pas 20 vjet përpjekjeje). Tashmë jemi përpara sfidës sasi/cilësi. Me ç’kritere do të përzgjidhen femrat kandidate nga partitë politike? Me kriteret e investimit e kontributit apo varianti i katapultave dhe “preferencat” e liderëve partiake? Ç’profil do të preferojnë liderët partiakë, të “figurave të pastra politike”, apo “marionetave politike”? Fakt është se çdo përpjekje civilo-politike, e masë ligjore për fuqizimin politik të gruas, më shumë shpartallohen nga “modelet negative” të femrave, që futen në politikë me “lidhje të shkurtra”, grupe interesash e që prodhojnë o formulën -politikane “grua-burrë” apo “e fortë” (troç thuhet grifshë)!, ose politikane “ushtare” – e heshtur! Shoqëria shqiptare s’ka nevojë për asnjërën syresh. As politika s’ka nevojë. Ka plot kontigjente të realizuara femërore si brenda dhe jashtë partive! Vlerat dhe kapacitetet e femrave gjenden në çdo fushë karrierë. Dhe ky kontigjent është fatmirësisht, shumicë-absolute në këtë vend!”, reagon ish-deputetja Përnaska.