Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Orikum, burri masakron me sqepar të shoqen 6 muajshe shtatzënë për xhelozi

Qyteza e Orikumit është tronditur mëngjesin e sotëm, ku një grua 6 muajshe shtatzënë është masakruar me sqepar nga bashkëshorti i saj. Gruaja, nënë edhe e dy vajzave të tjera, 3 dhe 7 vjeç, është goditur barbarisht në kokë dhe pjesë të tjera të trupit.

Policia e Vlorës ka deklaruar se 34-vjeçarja Manushaqe Çeliku është vrarë brenda ambienteve të shtëpisë, dhe autor i dyshuar i ngjarjes është bashkëshorti i saj, 35-vjeçari Shpëtim Çeliku. Sipas të njëjtave burime, mësohet se bashkëshorti i viktimës fillimisht ka ngritur një alibi dhe ka mohuar të ketë përgjegjësi për ngjarjen.Por pas hetimeve intensive është bërë e mundur sigurimi i provave shkencore, të cilat kanë hedhur dritë mbi autorësinë e ngjarjes makabre.

Grupi hetimor i ngritur për këtë ngjarje ka pohuar se vrasja ka ndodhur për motive xhelozie. Mësohet se 35-vjeçari për dy ditë me radhë ka ushtruar dhunë sistematike ndaj gruas duke përdorur djegie me prush në pjesë të trupit, ndërkohë që goditja fatale, që i ka marrë dhe jetën është bërë me sqepar.

Ndërkaq 2 vajzat e mitura të çiftit, të cilat kanë qenë në shtëpi në momentin e vrasjes së të ëmës nga dora e babait të tyre, do të strehohen në shtëpinë e foshnjës Vlorë.

10 dhjetor 2012 (gazeta-Shqip.com)

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore