Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Kualifikimi i mësuesve bëhet me pagesë

E Hënë 10 Dhjetor 2012, 10:55 Gazeta Shqip

Arsimtarëve u kërkohet të mbrojnë njohuritë në disa kurse private specifike

Lorina Mixha

Mësuesve që japin mësim në sistemin parauniversitar, në mënyrë të veçantë, arsimtarëve të punësuar në shkolla me kohë të plotë, u kërkohen trajnime, kualifikime për të mbajtur vendin e punës.

Kërkesat nga institucioni, por edhe nga Ministria e Arsimit, sipas legjislacionit në fuqi, u drejtohen mësuesve për të mbajtur vendin e punës, për të mos e rrezikuar atë, por edhe për të plotësuar direktivat e ligjeve të reja në fuqi.

Konkretisht nga mësuesit e shkollave kërkohet të mbrojnë nëpërmjet certifikatave, diplomave e dokumenteve mbështetëse riaftësimin e dijeve, thellimin e tyre apo edhe përvetësimin e dijeve në fusha të tjera mbështetëse.

Konkretisht mësuesit në shkollat publike, ashtu si dhe mjekët duhet të trajnohen, të ndjekin kurse, qoftë edhe për të mësuar një program kompjuterik, një gjuhë të huaj si dhe të njihen me praktika të reja të profilit të tyre për të mbajtur vendin e punës.

Sakaq, diskutimet e arsimtarëve lidhur me kualifikimet kanë lindur për shkak të udhëzimit të drejtuesve të shkollave për të ndjekur kurset në një subjekt të caktuar, në një kompani të caktuar. Mësuesit kërkojnë që kualifikimi i tyre kryesisht të ofrohet pa para nga institucioni ku punojnë, nga institucionet përgjegjëse të arsimit, apo kontraktim dhe negocim nga ana e drejtuesve me kompanitë e sektorët që mund t’u ofrojnë atyre zgjerim të dijeve dhe ekspertizë në fusha të caktuara të mësimdhënies, menaxhimit dhe risive të viteve të fundit.

Direktivat

Sipas mësuesve, por edhe drejtuesve të institucioneve arsimore, kualifikimi në këtë rast bëhet me pagesë, pra duhet të paguhet nga vetë mësuesit dhe jo institucioni. Në raste të veçanta, konferencat apo trajnimet organizohen nga institucioni në bashkëpunim me subjekte të tjerë, OJF, fondacione, struktura të caktuara, por në mbi 70 për qind të rasteve arsimtarët i paguajnë vetë trajnimet. Madje ata janë të udhëzuar për t’i ndjekur këto kurse në fraksione të caktuara, në subjekte të caktuara, njësoj siç ndodhi vite më parë me infermierët që punonin në spitale. Ata u udhëzuan që të ndiqnin studimet në një institucion të caktuar universitar.

Për vite me radhë, mësuesit kanë krijuar traditën e kurseve private pasdite, me para, me nxënësit të cilëve u japin mësim paradite në shkollat publike. Tani janë mësuesit ata që duhet të bëjnë kurse private.

Pikëzimi

Në bazë të pikëzimit të studimeve universitare, diplomës, përvojës në punë, kualifikimeve pasuniversitare, gjuha e huaj por edhe njohja e programeve apo sektorëve të tjerë mbështetës, bëhet edhe vlerësimi i mësuesve me pagë.

Në bazë të pozicionit, orëve të mësimit por edhe orëve shtesë, si organizime për aktivitete të shkollës, aktivitete me nxënësit bëhet edhe llogaritja e pagesave për secilin mësues.

Edhe trajnimet, njësoj si në shëndetësi edhe në arsim, marrin vlerë për mësuesit. Në bazën e të dhënave të pikëzimeve, secili mësues rrit “aksionet” e tij dhe vlerësimin qoftë moral ashtu edhe material.

 

Kurset e nxënësve - Dhjetë vitet e fundit, kurset private që mësuesit u bëjnë nxënësve janë bërë moda e asimilimit të dijeve. Këto kurse kushtojnë 10-15 mijë lekë ora

Pagesa - Sipas mësuesve, por edhe drejtuesve të institucioneve arsimore, kualifikimi në këtë rast bëhet me pagesë, pra duhet të paguhet nga vetë mësuesit dhe jo institucioni

Udhëzimet - Sipas Ministrisë së Arsimit dhe Shkencës, mësuesit duhet të jenë në trajnim dhe në zhvillim të dijeve dhe njohurive të tyre. kërkohet prej tyre edhe gjuha e huaj

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore