Zbulohet një oqean i tharë në Titan

Një oqean i madh antik, i përbërë nga hidrokarbure të lëngshme është zbuluar së fundmi në hemisferën jugore të Titanit, hëna kryesore e Saturinit, me anë të sondës Cassini.

Titani është i vetmi vend në sistemin tonë diellor, përveç Tokës, në sipërfaqen e të cilit është e mundur të gjenden materiale të lëngshme në formën e tyre fillestare. Në rastin konkret, janë zbuluar hidrokarbure të lëngshme, duke qenë se temperatura e sipërfaqes së kësaj hëne është afërsisht -180 gradë celsius.

Deri më tani depozitat e hidrokarbureve ishin vërejtur vetë në hemisferën veriore të hënës së Saturnit, ndërsa zbulimi i sondës Cassini hedh dritë mbi shumë pikëpyetje lidhur me historinë e stinëve në Titan.

Në imazhet e përftuara vërehet se ‘oqeani’, i cili dikur mendohet të ketë pasur sipërfaqe të konsiderueshme me ujë, është reduktuar në një sipërfaqe të vogël hidrokarburi të lëngshëm për shkak të tharjes.

Me gjithë praninë e ujit, Titani mbetet një trup qiellor shumë më i thatë se sa Toka. Ndërkohë, hapësira në pole rezulton më e lagësht, nga të cilat pjesa më e madhe  e materialit të lëngshëm rezulton i përqendruar në hemisferën veriore, me shumë pellgje të vegjël dhe tre ‘dete’ të zbuluar, ndërsa në jug hapësira e mbuluar nga ‘uji’ rezulton të jetë më e vogël.

31 tetor 2012 (gazeta-Shqip.com)

 

 

 

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.