Oferta

Edhe Ajntraht Frankfurt i Bundesligës 2 interesohet për shërbimin e sulmuesit Hamdi Salihi. Skuadra ndihet e lodhur nga tratativat e pafrytshme për të marrë sulmuesin e Volfsburgut, Patrik Helmes, i cili duket më shumë i destinuar për t’u larguar në drejtim të Premier Leagues. Kështu që Frankfurti, sipas mediave austriake, tashmë është hedhur në kërkim të Salihit, i cili është tashmë në listën për t’u larguar nga Rapidi i Vjenës. 28-vjeçari shqiptar nuk konsiderohet më tashmë i rëndësishëm nga trajneri Peter Shëtel dhe është nxjerrë në merkaton e janarit. Vetëm një ditë më parë, tekniku i austriakëve është shprehur se “Salihi nuk do të udhëtojë me pjesën tjetër skuadrës në fazën përgatitore në Portugali, pasi për momentin është shumë i zënë me ofertat dhe shumë shpjet do të duhet ta qartësojë situatën”. Përveç Ajntrahtit interesohet edhe Sëlltik, Gllasgou, dhe Gllasgou Rejnxhërs, por edhe skuadra të tjera nga Turqia, Ukraina e Rusia.