"Kryeziu", zbardhet borxhi 40 mijë euro

Fakte të reja për zhdukjen e aktivistit të UÇK-së kosovar. Ndërmjetësimi për paratë që i mori hua një biznesmeni kosovar dhe hetimet në Prishtinë

Zbardhet borxhi i marrë
nga Ismet Kryeziu, duke
hedhur kështu më shumë
dritë mbi faktet që
mund të lidhen me zhdukjen e tij.
Aktivisti për çështjet kombëtare ka
marrë një borxh prej 40 mijë euro
nga një biznesmen në Prishtinë,
ndërkohë që ky fakt ka detyruar
policinë shqiptare të shtrijë hetimet
edhe tej kufijve. Ndërkaq,
policia shqiptare ka marrë në dorë
edhe telefonatën e fundit të zhvilluar
nga Ismet Kryeziu, të cilën e
ka kryer me Dritan Goxhajn. Për
këtë, policia ka thirrur disa herë
Goxhajn, i cili ka dhënë deklaratat
e tij në lidhje me kontaktet e tij me
personin e zhdukur. Por, pavarësisht
se sot, pikërisht në orën
18:00, Ismet Kryeziu mbush një
javë nga zhdukja, ndërsa misteri
për fatin e tij vazhdon të thellohet,
policia nuk ka mundur të gjejë
asnjë gjurmë për vendndodhjen
e tij. Mësohet se janë
thirrur edhe gjithë personat e
tjerë, me të cilët ai shoqërohej zakonisht
në kryeqytetin shqiptar.
Telefonatat
Duke u nisur nga faktet e reja
të zbardhura nga grupi hetimor,
çështja e zhdukjes së kosovarit Ismet
Kryeziu, i ka kaluar për kompetencë
sektorit të personave të
humbur në Drejtorinë e Policisë së
Tiranës. Kështu, dosja e tij, e regjistruar
në Komisariatin nr. 4, pas
denoncimit të bashkëshortes
Anila Leli për largimin dhe moskthimin
e Ismet Kryeziut, tashmë
ndodhet te godina
e Komisariatit
nr. 1, pas Ministrisë
së Jashtme,
ku është instaluar
prej disa kohësh
edhe sektori i personave
të humbur.
Në lidhje me
denoncimin e
gazetares Leli,
policia ka kërkuar
gjithashtu ndihmën
dhe bashkëpunimin
e policisë
kosovare për
zbardhjen e kontakteve
të tij të
fundit që ka pasur
atje. Ndërkohë
pas verifikimit të
tabulatëve telefonikë,
është zbuluar
se telefonata
e fundit, para se telefoni të fikej,
është kryer me shtetasin Dritan
Goxhaj, i cili është një nga
luftëtarët e parë të UÇK-së dhe që
ka marrë pjesë edhe në luftën e
Maqedonisë. Në këto kushte, sektori
që ka marrë dosjen, e ka thirrur
Goxhajn për të dëshmuar dy
herë, i cili ka shpjeguar pozicionin
e tij në këtë çështje. Sipas të
dhënave, Goxhaj ka deklaruar në
polici se mëngjesin e ditës së shtunë,
ai ndodhej në Rinas për një
punë të tij personale, kur është
kontaktuar nga Kryeziu dhe pas
një telefonate të shkurtër, kanë
lënë takim po pasditen e asaj dite.
Deklarata dhe borxhi
Më tej, Dritan Goxhaj ka
shpjeguar për oficerin e policisë
gjyqësore, se atë ditë, rreth orës
17:15, ashtu siç është vërtetuar
edhe nga tabulatët e telefonit, i
ka telefonuar për takimin e
lënë që paradite. Por, Kryeziu
i ka thënë se do takohen
shumë shpejt dhe që nga ai
moment nuk ka kontaktuar
më me të. Gjithashtu, ai
ka shpjeguar për policinë se
kohët e fundit kishte pasur
shumë pak kontakte me të
dhe ato vetëm për shkak të
një borxhi, që Kryeziu kishte
në Kosovë. Ish-ushtaraku
i UÇK-së ka shpjeguar
se Kryeziu kishte marrë 40
mijë euro borxh te një biznesmen
kosovar në Prishtinë
dhe i kishte mbaruar
afati për dorëzimin e
parave. Në këto kushte,
Kryeziu kishte kërkuar ndihmën
e Goxhajt. Ky i fundit,
i cili kishte njohje me huadhënësin,
ka ndërhyrë për
të shtyrë afatin e dhënies
së borxhit, e cila është arritur pas
disa kontakteve. Pikërisht duke
marrë shkas nga huaja e pashlyer
e Kryeziut, dyshimet e policisë
janë fokusuar edhe në këtë pistë
hetimi, për zhdukjen e tij. Policia
shqiptare, nëpërmjet oficerit
të kontaktit në Prishtinë, ka
kërkuar ndihmën e policisë kosovare,
për të marrë në pyetje biznesmenin
që disa herë ka
kërkuar me këmbëngulje kthimin
e borxhit. Por, gjithmonë sipas
burimeve brenda policisë,
gjatë marrjes në pyetje nuk ka
dalë asnjë fakt i ri, veç konfirmimit
të borxhit që kishte marrë Ismet
Kryeziu prej tij. Biznesmeni,
emri i të cilit nuk është publikuar
për arsye hetimore, ka deklaruar
se me ndërhyrjen e Goxhajt,
kishte pranuar shtyrjen e afatit
të borxhit të dhënë dhe nuk kishte
lidhje me zhdukjen e tij. Kështu,
policia ka mbetur sërish në
vendnumëro për gjetjen e të zhdukurit
54-vjeçar.
Prokuroria e Tiranës
Pavarësisht nga faktet e
mbledhura këto ditë, prokuroria
nuk ka mundur të regjistrojë
ndryshe këtë çështje, veçse një
largim nga banesa. Prokuroria
ka ngurruar për ta cilësuar atë të
zhdukur, përderisa nuk ka fakte
për rrëmbim të tij, kështu që e
ka regjistruar si një dosje pa
akuzë. Burimet nga Prokuroria e
Tiranës bënë të ditur se do të
verifikohet veprimtaria e tij në
Shqipëri dhe do të merren në
pyetje të njohurit, që mund të
kenë të dhëna në lidhje me zhdukjen
e tij dhe nëse do të ketë
fakte të reja, atëherë kjo dosje
mund të ndryshojë emërtim. Në
denoncimin e bashkëshortes,
Anila Leli, është shënuar ora
18:00 e së shtunës, kur i shoqi
është larguar nga banesa, me
justifikimin se do takonte dy
miq. Ismet Kryeziu është i identifikuar
për policinë edhe si mik
i Remzi Hoxhës, biznesmeni i
zhdukur vite më parë nga
agjentë të SHIK-ut. Njohjen mes
tyre e ka konfirmuar edhe e shoqja,
e cila deklaroi se ata të dy janë
njohur në Kosovë shumë vite më
parë, kur kanë kontribuar së
bashku në Frontin e Rezistencës.
Kryeziu, më së fundmi, ishte aktivist
në Aleancën për Ardhmërinë
e Kosovës.