Haxhiaj e Sejdini, dorëheqjet e para

Trajneri i Besës largohet për arsye personale, "xhaxhi" e lë Bylisin me zero pikë në tabelën e klasifikimit

Bien dy stolat e parë në Kat
egorinë Superiore. Vetëm
pas tre javëve të kampionatit
elitar fillon "valsi i pankinave".
Menjëherë pas ndeshjeve të
luajtura dje, trajneri i Besës, Iljaz
Haxhia, deklaroi përpara mediave
se do të largohet nga detyra për arsye
personale. Ky vendim u mor në
përfundim të ndeshjes, ku kavajasit
barazuan 0-0 në shtëpi me kampionët
e vendit në fuqi, Dinamon.
Të paktën ky është versioni
zyrtar, por në të vërtetë duhet pranuar
se verdhezinjtë e ardhur në këtë
edicion si pretendentë, në fushën
e lojës kanë treguar të kundërtën.
Përpara javës së parë të kampionatit,
presidenti Bizhdili deklaronte
se "të vlefshme" do të quheshin
vetëm fitoret 3-0, ndërkohë
që në 90 minutat e para Besa u
dorëzua në fushën e saj me Flamurtarin.
Fitorja në fushën e Bylisit
(e cila është kontestuar fuqishëm
nga vendasit për vendimet
e gjyqtarit), duket se nuk ka mjaftuar,
pasi për të treguar forcën e saj
skuadra duhej të matej me konkurrentët
për titull. Por, edhe pse një
pikë përballë dinamovitëve nuk
mund të hidhet poshtë, Haxhiaj
vendosi t‘i hapë rrugën dikujt tjetër.
Më "bindëse" janë arsyet e
Faruk Sejdinit. Bylisi i tij regjistroi
humbjen e tretë në aktivitetin e
skuadrave elitare dhe "xhaxhi"
duket i lodhur nga situata në klubin
mallakastriot. Pasi pa të tijtë të
mposhteshin minimalisht në fushën
e Elbasanit, me golin e realizuar
në minutën e 34-t nga Merxha, Sejdini
pohoi se nuk mund të punonte
më me këtë skuadër, e cila në
fushën e lojës nuk i zbaton detyrat
që i kërkohen. Kampionët e Kategorisë
së Parë në sezonin e kaluar
humbën thellë në debutim me Shkumbinin
(4-1), ndërsa në
ndeshjen e dytë u "dorëzuan" në
shtëpi me Besën. Edhe shifrat i japin
të drejtë Faruk Sejdinit në vendimin
e tij: në 270 minuta skuadra
ka pësuar 8 gola, duke shënuar
vetëm 3 të tillë, megjithatë ai që
vret më shumë është vendi i 12-të
në klasifikim. Në kuotën e zero
pikëve, Bylis renditet e fundit dhe
është skuadra e vetme që deri më
tani nuk ka marrë asnjë rezultat
pozitiv, qoftë edhe një barazim.
Në takimet e tjera të Kategorisë
Superiore, Vllaznia e kalon pa
probleme Apoloninë. Sfida në
"Loro Boriçi" përfundoi 3-1, me
dy gola të Dhëmbit dhe një të Sinanit,
ndërsa për miqtë shënoi
Shoshi. Lushnja gjen tri pikët e
para përballë Flamurtarit, falë rrjetave
të Sisokosë dhe Sekserit. Në
të 81-ën Veliu u jep shpresë bregdetarëve,
por barazimi nuk vjen.
Shkumbini vazhdon të paraqitet
"i pathyeshëm" në shtëpi. Viktima
e radhës është bërë Teuta: për të
thyer skuadrën e Sulejman
Starovës mjaftoi një gol i Erjon Rizvanollit
në minutën e 38-të të
takimit.