Shqipëria, tris golash përballë Maltës

Kuqezinjtë fitojnë 3-0 dhe tashmë e shohin veten në kuotën e 4 pikëve në Grupin 1

Shqipëria fiton 3-0 përballë Maltës dhe i mbyll dy takimet e para eliminatore në Grupin 1 me 4 pikë të grumbulluara. Mision i realizuar për skuadrën e drejtuar nga Ari Han, që gjithsesi mund të kishte shënuar edhe më shumë në portën kundërshtare. Bogdani, Duro e Dallku (për të parën herë në Kombëtare) ishin autorët e golave. Ndeshja fillon me një shans mjaft të mirë të shqiptarëve për të shënuar, vetëm pas pesë minutave lojë. Skela gjen shumë bukur Bogdanin, që shërben si spond për Duron, por i vetëm me portierin Haber, mesfushori bën të pabesueshmen, duke e dërguar topin jashtë. Një mundësi e jashtëzakonshme e shpërdoruar nga numri 10 për të zhbllokuar rezultatin. Pas këtij fillimi të vrullshëm, në minutat në vazhdim rritmi i lojës bie, ndërsa më pas janë sërish kuqezinjtë, që kanë provuar të rrezikojnë portën kundërshtare, por ndërhyrjet e ëgardianitë maltez rezultuan vendimtare. Kur kronometri shënonte 21 minuta lojë, kuqezinjtë tregohen të pavëmendshëm dhe Mifsud shfaqet i vetëm me Beqajn, por portieri veteran është shumë i shpejt në dalje dhe frenon me trup një gol thuajse të sigurt. Pas këtij momenti pasigurie, Shqipëria ka një tjetër shans të mirë me Bogdanin, por sulmuesi në vend të tentojë portën rrëzohet dhe pretendon 11-metërsh. Megjithatë, gjyqtari austriak, Robert Shergenhofer, nuk është i këtij mendimi dhe lejon lojën të vazhdojë. Për minuta me radhë të besuarit e Han vuajnë në gjetjen e hapësirave, edhe pse kundërshtarët ndryshe nga sa mendohej kanë luajtur mjaft të hapur dhe mendojnë të sulmojnë. Në të 35-ën, Skela godet fluturimthi jashtë zonës, por e djathta e tij e rrezikshme frenohet nga portieri mik. Pas vlonjatit tentojnë edhe Dallku e Duro, pa gjetur dot portën, ndërsa Bogdani, me një kohë vonesë, nuk arrin të shtyjë në rrjetë pasimin e Bulkut. Në fund të pjesës së parë edhe Malta tenton, por Beqaj është sërish i vëmendshëm dhe neutralizon gjuajtjen e Barbara. Pikërisht atëherë kur dukej se pjesa e parë do të mbyllej në barazim pa gola, Duro harkon në zonë, aty ku Bogdani devijon mjaftueshëm, sa për ta dërguar sferën në rrjetë. Shqipëria në avantazh me golin e Bogdanit, i nënti për sulmuesin e Kievos me përfaqësuesen. Në minutat e para të pjesës së dytë, Bulku i lë vendin Elvin Beqirit, ndërkohë që Cana zë vendin e tij në mesfushë. Në të 57-ën Dallku harkon nga e djathta për Hykën që është i pafat në finalizim. Pak ëaste më vonë është Bogdani që pasi lëviz bukur në zonë gjuan drejt portës: xhest i bukur teknik i 31-vjeëarit, që gjen vetëm rrjetën e jashtme. Sulmuesi detyrohet të dalë nga fusha pas 73 minutave lojë për shkak dëmtimi dhe në vend të tij, Han përdor kartën ëSalihië. Në të 79-ën provon edhe Duro, që i shmanget bukur mbrojtësve, por portieri Haber grushton, duke devijuar në goditje këndi. Malta vazhdon të shkaktojë drithërima në portën kuqezi: fillimisht Mifsud e më pas Frendo tentojnë, por për fat topi nuk përfundon në portë. Gjashtë minuta përpara fundit, Klodian Duro sjell siguri në ëQemal Stafaë, duke realizuar golin e dytë të takimit: harkimi i Hykës nuk largohet nga Skembri dhe mesfushori nuk e ka të vështirë të mposhtë sërish Haber. Pas gëzimit, Duro i lë vendin në lojë Berishës, duke merituar përshëndetjen e tifozëve: në këtë sfidë, elbasanasi ka dhuruar një asist dhe shënuar një gol. Në fund tenton edhe Berisha, por sërish ëgardianië kundërshtar reagon mirë, duke larguar në goditje këndi. Në vazhdim të aksionit është Armend Dallku, ai që feston golin, duke devijuar saktësisht në rrjetë harkimin e Skelës.