Abkhazia do të kërkojë pavarësi: Do t‘i çojmë letër Medvedevit

Presidenti rus, i gatshëm të dëgjojë kërkesën

Rajoni gjeorgjian i Abk
hazisë deklaroi dje
se do t‘i kërkonte Rusisë
që të njihte pavarësinë e
tij. Kjo situatë kërcënon
për një përshkallëzim të
mëtejshëm të krizës në
Kaukaz. Parlamenti abkhaz
bëri të ditur se do t‘i
dërgonte një kërkesë formale
Presidentit të Rusisë,
Medvedev, ku do t‘i
kërkonte njohjen e pavarësisë
së vendit. Ndërkohë,
kryetari i Dhomës së
Ulët të Parlamentit rus,
Këshilli i Federatës, deklaroi
se legjislatorët e
vendit të tij ishin të gatshëm
që të mbështetnin
kërkesën nga Abkhazia
dhe ta shtrinin atë edhe
në Oseti. Sipas agjencisë
ruse të lajmeve, "Interfax",
Këshilli i Federatës
do të bëjë ç‘është e mundur
që të plotësojë vullnetin
e popujve të Osetisë
dhe Abkhazisë.
Abkhazia dhe Osetia e
Jugut njihen si pjesë të
Gjeorgjisë, edhe pse të
dyja kanë qenë de facto
të pavarura që kur u shkëputën
nga qeveria e
Tbilisit gjatë luftërave të
fillimviteve ‘90. Abkhazia
kërkon pavarësinë, ndërsa
osetët e jugut duan të
bashkohen me Osetinë
Veriore që është nën
Rusinë. Vetë Medvedev
ka premtuar se do të
bëjë ç‘është e mundur që
të mbështesë të dyja rajonet.
Ndërkohë, çdo veprim
i Kremlinit në këtë drejtim
do të shkaktonte reagim të
menjëhershëm të Bashkimit
Evropian dhe Shteteve të
Bashkuara të Amerikës, të
cilat kanë deklaruar vazhdimisht
se janë për ruajtjen
e integritetit territorial
të Gjeorgjisë. Është
më se e sigurt që një gjë
e tillë do të çonte në një
konfrontim të menjëhershëm,
që këtë herë do
të ishte më gjithëpërfshirës.