SHBA-Poloni, pakti për raketat

Nënshkruhet në Varshavë mes Rajs dhe homologut polak

Shtetet e Bashkuara të
Amerikës dhe Polonia
kanë nënshkruar dje një
marrëveshje për të vendosur në
tokën polake një pjesë të mburojës
anti-raketë, një lëvizje që
ka ngjallur menjëherë reagimin
e Moskës, që është ndjerë
shumë e provokuar. Të dhjetë
raketat në Poloni së bashku me
një kompleks radarësh në Republikën
Çeke, do të formojnë
pjesën evropiane të një sistemi
botëror, që sipas Uashingtonit
ka si funksionin rrëzimin e raketave
balistike që mund të dërgohen
nga shtetet e rrezikshme,
apo terroristët e Al Kaedës. Kjo
është një marrëveshje që do të
na ndihmojë në lidhje me raketat
me rreze të gjerë veprimi që
mund të dërgohen nga vende të
tilla si Irani, Koreja e Veriut", ka
deklaruar Sekretarja amerikane
e Shtetit, Kondolesa Rajs, pas
nënshkrimit të marrëveshjes me
homologun e saj polak në Varshavë.
Pavarësisht deklaratave
të vazhdueshme të Shteteve të
Bashkuara të Amerikës se ky
sistem është vetëm një sistem
mbrojtës dhe nuk është aspak
kërcënues për Rusinë, kjo e fundit
e sheh gjithë këtë ndërmarrje
dhe përpjekje në dëm të saj,
e konsideron si një përgatitje për
ndonjë sulm të ardhshëm. Interceptorët
do të vendosen në ishbazën
e Paktit të Varshavës, në
Redzikovo, në veri të Polonisë,
1600 kilometra larg Moskës dhe
300 kilometra nga enklava ruse
e Kaliningradit në brigjet e Detit
Baltik. Sipas Moskës, Uashingtoni
dhe Varshava ndërmorën një
hap të nxituar që më shumë
duket si një kundërpërgjigje
ndaj asaj që ndodhi në Kaukaz.
Të dy vendet ndërkohë e mohojnë
një gjë të tillë dhe Kryeministri
polak, Donald Tusk, tha se
ngjarjet në Gjeorgji treguan se
siguria e Polonisë duhet të merret
seriozisht nga Shtetet e Bashkuara.
Polonia ish-sateliti i
madh i Bashkimit Sovjetik si dhe
vendet baltike e kanë dënuar
kundërsulmin rus ndaj Tbilisit.
Komentatorët politikë të këtyre
vendeve e kanë krahasuar atë
me ngjarjet e vitit 1956 në Hungari
dhe ato të vitit 1968 në Çekosllovaki.
Sipas disa sondazheve të
fundit, pas ngjarjes në Kaukaz
publiku polak është më në favor
të vendosjes së mburojës antiraketë.
Pas nënshkrimit të
djeshëm, marrëveshja duhet të
aprovohet nga Parlamenti polak,
çka duket si një veprim shumë
formal sepse qeveria si dhe partitë
kryesore politike e kanë
dhënë tashmë aprovimin e tyre.
Për sa i përket qeverisë çeke
edhe ajo tashmë e ka dhënë miratimin
për sistemin, por e ka
shumë të vështirë ta miratojë në
parlament, në të cilin ajo ka
vetëm gjysmën e 200 vendeve.
Analistët thonë se marrëveshja
e Polonisë për t‘iu bashkuar
planit të Shteteve të Bashkuara
ishte një sinjal i rëndësishëm,
por jo vendimtar për ratifikimin
nga ana e Çekisë. Diskutimi mes
qeveritë të Polonisë dhe SHBAsë
ka zgjatur 18 muaj me ulje e
ngritje të ndryshme. Në korrik
pati disa mospranime nga pala
polake, por kompromisi i munguar
u arrit menjëherë pas ngjarjeve
në Osetinë e Jugut.