Kermabo: EULEX-i, nis punën në fund të vjeshtës

Shefi i misionit të BE-së, EULEX, Iv De Kermabo, ka deklaruar se marrëveshja për dorëzimin e resurseve të UNMIK-ut tek EULEX-i paraqet një hap të rëndësishëm për intensifikimin e vendosjes së EULEX-it në Kosovë. "Ky është një hap të rëndësishëm që do t‘i mundësojë misionit të BE-së të fillojë dhe të intensifikojë vendosjen në Kosovë brenda javëve të ardhshme, në bashkëpunim të ngushtë me Kombet e Bashkuara", ka thënë Kermabo. "EULEX-i është i gatshëm të përballet me sfidat dhe mbetet i përkushtuar ndaj mbështetjes së sundimit të ligjit në Kosovë", ka shtuar Kermabo. Marrëveshja për dorëzimin e resurseve të UNMIK-ut tek EULEX-i është nënshkruar nga shefi i UNMIK-ut, Lamberto Xanieri, shefi i EULEX-it, Iv De Kermabo dhe shefi i ekipit përgatitor të BE-së, Roj Riv.