Robinjo-Çelsi: gati 31 mln euro

Çelsi nuk heq dorë, madje hidhet në sulm. Lajmi për mungesën e rinovimit të kontratës së Robinjos me Real Madrid nuk ka bërë tjetër veçse ka shtuar presionin e Çelsit mbi fantazistin verdheartë. Sikurse bën të ditur e përditshmja angleze "Daily Telegraph", klubi i Roman Abramoviç do të ishte i gatshëm të vërë në pjatë ofertën prej 31 milionë eurosh për të bindur Realin e Madridit për të lënë të lirë Robinjon. Janë të dy skuadrat që mohojnë tratativën, por janë deklaratat e Robinjos ato që provojnë të kundërtën. Talenti i Brazilit (që akoma i kërkon Realit të ikë në Olimpiadë), nuk e ka harruar dëshirën për të shkuar në "Stamford Bridge" nën urdhrat e Felipe Skolarit. Reali, duke tentuar të mos e lërë të ikë, i ka ofruar lojtarit një rinovim kontrate për pesë vjet me një rrogë prej 3 milionë eurosh në sezon. Por braziliani fiton kohë: dhe Reali, në pritje të kuptojë se si do të zhvillohen ngjarjet në lidhje me Kristiano Ronaldon, nuk është se po nxitohet. I vetmi që lëviz shpejt është Çelsi, i cili sipas drejtorit të përgjithshëm të klubit, Peter Kenyon, shprehet i gatshëm për të marrë lojtarin: "Robinjo është një talent i veçantë. Nuk do të hezitonim ta merrnim. Jemi në tratativa me Realin".