Haradinaj: Kosovës i duhet plan konkret për Veriun

Kryetari i Aleancës për Ardhmërinë e Kosovës (AAK), Ramush Haradinaj, tha të premten në fshatin Loxhë të Pejës, se Kosovës i duhet një plan konkret për pjesën veriore të vendit, i cili duhet të burojë nga institucionet vendimmarrëse të Kosovës.

"Kosovës i duhet një plan konkret për pjesën veriore të vendit, i cili duhet të burojë nga institucionet vendimmarrëse të Kosovës, por në zbatimin e tij duhet të përfshihen edhe organizmat ndërkombëtare", citon RTK kryetarin e AAK-së. Haradinaj vërejti se investimet e Serbisë në veri të Kosovës, "duhet të kontrollohen, ose edhe të ndalohen".