Kërkesa: Babi, mos e shit Lampard

Djali 15-vjeçar i pronarit të Çelsit, Roman Abramoviç, Arkadi, i ka kërkuar të atit që mos të shesë Frenk Lampard. Sipas "Daily Express", mesfushori anglez është lojtari i preferuar i djaloshit, që nuk dëshiron ta shohë të largohet për asnjë arsye. Në këtë mënyrë, Arkadi i shtohet listës së atyre që tentojnë të frenojnë "arratisjen" e Lampard drejt Interit. Nëse Abramoviç nuk do t‘ia shesë lojtarin klubit zikaltër, vitin e ardhshëm Çelsi do ta humbasë me parametër zero.