“Mami të dua shumë”, nëna tregon momentet e fundit me 5-vjeçarin që humbi jetën nga zjarri

Një 5-vjeçar, Alex Clarke humbi jetën tragjikisht në Leeds të Anglisë, pasi zjarri përfshiu banesën e tij. Autoritetet britanike kanë dhënë detaje në lidhje me këtë tragjedi të rëndë, e cila i mori jetën vogëlushit.

Sipas një hetimi gjyqësor mbi vdekjen e Alex Clarke, zjarri erdhi pasi 5-vjeçari i vuri flakën cepit të një libri në dhomën e tij. Libri ra në dysheme, duke bërë që zjarri të përhapej me shpejtësi.

Vëllai i tij 8-vjeçar dhe motra 10-vjeçare vrapuan duke i dhënë alarmin nënës së tyre Emma. Ajo u kërkoi ndihmë fqinjëve, por ata e patën të pamundur që të kalonin tymin dhe zjarrin e madh për të shpëtuar Alex.

Ishin zjarrfikësit që arritën ta nxirrnin 5-vjeçarin nga dhoma. Ai u dërgua në spital, por plagët që kishte marrë ishin tepër të rënda dhe Alex ndërroi jetë të nesërmen.

Në një deklaratë të lexuar në Gjykatën e Wakefield, nëna e 5-vjeçarit tha se familja kishte qenë duke parë televizor mbrëmjen e ngjarjes së rëndë.

“Alex erdhi me vrap poshtë, më dha një puthje dhe përkëdhelje dhe tha ‘të dua shumë’. Rreth orës 20:20, William dhe Jessica (fëmijët) erdhën me vrap duke thënë se dhoma kishte marrë flakë”, deklaroi ajo.

Gazeta Shqip




Comments are closed.