11-metërshi i paparë ndonjëherë vjen nga Azia (Video)

Aktualisht në Emiratet e Bashkuara Arabe po zhvillohet Kupa e Azisë me fazën e grupeve që po shkon drejt fundit. Por më shumë sesa forma që po shfaqin skuadrat pretendente xhiron e botës po e bën një penallti e akorduar në sfidën mes Australisë dhe Sirisë, 11-metërsh shumë i çuditshëm që nuk është parë kurrë në historinë e futbollit.

Në minutën e 80 pas një kontakti në zonë futbollisti i Sirisë Al Soma u rrëzua në tokë me gjyqtarin që pas këshillimit edhe me asistenët e tij akordoi 11-metërsh për Sirinë, penallti që u kthye në gol nga Al Soma që barazoi shifrat në 2-2. E veçanta në gjithë këtë mes ka të bëjë me faktin se Al Soma nuk u pengua nga një lojtar i Australisë por nga një shok skuadre.

Një gol që mund t’i jepte kualifikimin Sirisë por për fatin e mirë nuk rezultoi vendimtari pasi në fund rrjeta e Rogic i dha suksesin 3-2 Australisë dhe eliminoi Sirinë nga Kupa e Azisë. Kjo penallti ishte një tjetër tregues pse VAR është i domosdoshëm në futboll për të shmangur çmenduritë e gjyqtarëve.

Comments are closed.