Franca kampione e Botës, Kroacia mposhtet 4-2 në finale (Video)

Franca është shpallur kampione e Botës në Botërorin “Rusi 2018”, duke mundur në një finale spektakolare Kroacinë me rezultatin 4-2.

https://www.youtube.com/watch?time_continue=1&v=VxCjR1UfxYU

Ka qenë një ndeshje e bukur ajo e luajtur në “Luzhniki” të Moskës, ku francezët e kanë mbyllur pjesën e parë në fitore 2-1, falë një autogoli të Mandxukiç dhe një goli të Griezman me 11-metërsh, vendim i dyshimtë i ardhur falë sistemit “VAR”.

Në pjesën e dytë ka qenë Pogba ai që ka shënuar golin e tretë, ndërsa Mbape ka vulosur “pokerin”. Mandxukiç ka rihapur ndeshjen me golin e tij në minutën e 69-të, por në 20 minutat e fundit skuadra e Deshamp kontrolloi lojën pa vënë në rrezik rezultatin.

Ky është trofeu i dytë i Francë në një Kupë Bote, pas suksesit në vitin 1998.

Franca ka fituar Kupën e Botës për të dytën herë në historinë e saj. Pas Botërorit të 1998-ës, Gjelat rikthehen në majën e botës 20 vite më pas duke mposhtur Kroacinë me rezultatin 4-2. Ishte një ndeshje fantastike në Luzhniki-n e mbushur plotë e përplotë, dhe ndeshja nuk ka zhgënjyer. Ishte një sfidë me shumë të veçanta, duke filluar nga autogoli i parë i shënuar në një finale nga Mandzukic. Hera e parë që nga finalja e 1970-ës që fituesi shënon katër gola, si dhe VAR-i që vendosi penalltinë e shndërruar në gol nga Griezmann.

Ndeshja nisi mirë për ballkanasit, të cilët ushtronin presion që në sulm duke mos lejuar francezët të dalin në lojën e tyre. Por një goditje dënimi e fituar me dinakëri nga Griezmann dhe një rreshtim i gabuar i kroatëve zhbllokoi rezultatin, me Mandukic që ishte i fundit që preku topin përpara se të shkonte në rrjetë. Por Kroacia kundërpërgjigjet menjëherë me Ivan Perisic.

Por pak minuta përpara se të mbyllej pjesa e parë francezët fitojnë një penallti që është akorduar pas konsultimit me VAR. Griezmann shënon me qetësi dhe lejon të tijtë të futen në dhomën e zhveshjes me qetësi dhe eufori. Pas pushimit vijnë dy gola të shpejtë të Pogba dhe Mbappe që vulosin fitoren për Bles Bleues. Por një gabim i Lloris lejon Mandzukic të ringjallë shpresat e ballkanasve të cilët ushtrojnë presion me energjitë e mbetura për të bërë të pamundurën.

15 korrik 2018 (gazeta-Shqip.com)




Comments are closed.